/ قالوا في الحب! / أروع اللحظات بين الغارقين

أروع اللحظات بين الغارقين .. .. في بحور الصدق ، لحظات الوفا
ما نشدنا الشوق عن سر الحنين .. .. ما سألنا البرد لو جمرة دفا

نكتفي بالفرحة لو قطرة تعين .. .. في سنين العمر تروي هالجفا

كنت أقول الوقت قاسي ما يلين .. .. ما صدق حلمي وأنا حظي غفا

جيتي في دنياي كالدر الثمين .. .. قلبي له محار يحميه بـخفا

لك حنان ٍ تجهله كل السنين .. .. عن قسا وقتي أنا قلبي عفا

بالعطايا كنـّه لقلبك يمين .. .. مدها بالخير وتونا نعرفه

يوم قلبي كان في صمته حزين .. .. كنتي لجروحي سهر ليل وشفا

يومها الأحزان تلفي تقبلين .. .. تشعلين شموع فرحي اللي انطفى

كم سألني الليل عن سر الحنين .. .. كم تغير الشمس لو طيفك لفا

ليتني ما بين همك والأنين .. .. أصرخ بوجه الحزن يالله كفى

وازرع البسمة بدربك ياسمين .. .. وارسم الأيام في لوحة صفا

كل لحظة وانتوا فيها طيبين .. .. يا أماني الود يا معنى الوفا